Di sijè yon otè trete enteresan, se youn. Planifye tan pou li devlòpman sijè a se de. Se aprè lekti a w ap ka vrèman evalye li. Se pou rezon sa a, avan menm ou deside li yon liv, ou dwe konnen objektif otè a fikse. Paske, se lè li atenn li, ou ka vrèman jije liv la. Yon vrè lektè pa kouri jije yon liv sou kouvèti li ak otè li ni kantite paj li. Premye bagay li fè se lekti entwodiksyon an pou l pran konesans de objektif otè a konte atenn.
Nan "GUIDE METHODOLOGIQUE DE LA RECHERCHE", Gérald Guiteau pwopoze 9 kesyon pou evalye yon liv (paj 158-159). Nou tradui yo an kreyòl nan kad pwomosyon n ap fè pou lang kreyòl. Se pou rezon sa a ekriven Jérôme ki ajoute dizyèm nan.
1. Ki objektif bazik otè a ?
2. Eske fòmasyon ak bakgrawonn otè a sifi pou enfliyanse liv li a?
3. Pou ki odyans otè a ekri?
4. Anfavè kilès oswa kisa otè a ekri?
5. Kont kilès oswa kisa otè a ekri?
6. Eske otè a atenn objektif li nan liv la?
7. Kòman w jije liv la parapò ak lòt liv ki abòde menm sijè sa?
8. Ki opinyon ou sou liv sa a?
9. Kilès k ap tire pwofi de liv sa ?
10. Ki avantaj ou jwenn nan li liv sa a ki ekri an kreyòl ? (Si liv la ekri an kreyòl)
Apati desanm 2024, chak etidyan nan STELA k ap li yon liv ap gen pou prezante evalyasyon li nan repons l ap bay pou 9 oswa 10 kesyon sa yo.
 |
| Arcène est nommé LECTEUR DU MOIS DE NOVEMBRE 2024 au STELA avec un record de 225 pages lues. |
Aucun commentaire:
Enregistrer un commentaire