Twazyèm konferans nan STELA: Sante Biko-Dantè

 

Samdi ki te 1 desanm 2024 la, STELA te reyalize twazyèm konferans li pou lane 2024 la. Fwa sa a, nou te gen chirijyen-dantis Nathalie Janac, responsab Clinique NJ Complexe Bucco-Dentaire nan Senmak,  ki te vin pale etidyan yo sou "Sante Biko-Dantè". Te gen anviwon 30 etidyan avèk 4 pwofesè ki te asiste. Aprè 45 minit ekspoze, Doktè Nathalie te reponn plizyè kesyon ki te satisfè etidyan yo. 

Seri konferans sa yo fèt pou prepare etidyan yo nan ministè yo, fanmi yo ak sosyete a. Dekana STELA remèsye tout patisipan yo, espesyalman Doktè Nathalie Janac, etidyan Jonas Charélus ak pwofesè Nadricks Morisset ki te rann konferans sa a posib.